嗚啊......估你唔到，不嬲都話翠林球場係我最鐘意去既地方,呢個地方既人好好，好吹得水，而且好有果種同村一條心既感覺。

                何出此言呢，今晚照舊打完波去吹水，得知一個好驚訝既消息，原來一直以黎我覺得最舒服既地方一直都係個龍蛇混雜既危險地方，雖然唔出奇，但我都係今日先真正明白，9年喇，9年前有個白癡以為d高手們肯同你打波，球技好，球品好，又經常講笑，就覺得佢好人，點知arm arm先知原來佢地有背景，仲要幾大粒果隻，呆左，真係好彩，無畀人蝦過，或者呢d就係所謂既同村一心喇。唉，心入面不其然咁講左句：都仲係細蚊仔一個=.=

高錕：光纖之父.......誰啊?

唉，一個令世界帶黎科技變革既偉人，竟然晚年落得如此下場，真感慨......

                        托8號波巨爵的福，終於嘗試過人工2.5倍化，日日都係咁，幾咁好呢。又終於可以係月台值更，時間比山頂位更過得充實。

                         久違了......這地方......

                近排同asso果邊班fd去報左一個5人籃球比賽，吸收下經驗。

              第2次同佢地打波，老實講，10條友，計埋我，得5條友識打波，2個人有較多打全場既經驗=.=.....不過唔緊要，當去玩下。成個比賽，得4隊，所以有1隊求其贏一場，就可以坐亞望冠。

                 今次比賽去左慈雲山，拿，慈雲山去就去得多喇，但有幾多人真係去過呢？係搭巴士既途中，經過斧山道運動場，呢個地方，真係充滿回憶，童年時，曾經有一班脫疆既野馬為左比賽既勝負而作出120分既努力，雖然最後只係跑得第2名，但大家果種互相支持，信服，真係好青春熱血。不過真係好好笑，係巴士上層望住個運動場，好係d老人家快死喇，去回故番年輕既一切一樣。大吉利是！

                 上星期6，頭一場，雖然亂咁黎，講白d，走位，傳波，射波通通亂黎，不過名中率出奇地高=.=......最後大家玩下玩下咁就進級喇。都唔知講咩好，腐腐碌碌.....

                  到下一場比賽，對方有隊係大埔青訓隊，見到佢地d默契，=.=......雖然好無大志，但我自己都打定輸數，講真，打3打3，就一定會贏，但講到打全場，個人主義絕對無用。對方頭一節己經佔盡上風，但最後一場無情雨........延期.......

                   直到今日，終於要同強者對戰，但我班隊友仍然珊珊來遲=.=......我老早就到左拎手感，但有條pk掛住jer頭，頂！

                    好喇，比賽過程唔多講，總之輸得好難睇，雖然都有個掛名第2名，但呢場敗仗係我人生入面其中一個恥辱=.=.......點都好，亦都係一個好寶貴既經驗！

                     原本當初唔想打，嫌麻煩，當然最後都參與其中，最大既修穫就係........又識多左好多人。

                    唉，無lala點解要打風姐，不爽

                   睇NBA既日子終於告一段落，今年可以講係全程投入，訓身支持果隻精神，就好似靚仔時代咁每日放學第1件事要做既，就係返屋企睇閃電傳真機啊，至蠢小人類入面既卡通片咁，完全迷住了。

                   Playoff真係好精彩，而今年東西岸既冠軍亦都係自己心水既2隊，講下魔術，由季初己經好鐘呢隊波，因為超人howard真係好屈機，加上隊中每個人都有得分力，所以真係正！！！不過自從個控衛nelson傷出後，換入左個街波王，心情當場下滑，可以用一個形容詞去形容佢：正粉腸！！！當然支持魔術到東岸冠軍，係因為佢地堅毅，每次落後幾10分，佢地都好淡定應付，用3分雨既絕技絕殺對方，我相信每個有打開波既人見到佢地永不放棄既精神，一定深深受到感動。

                   另一湖人隊，印象中，記得小6果陣，求一個我好尊敬既老師俾我地班男仔睇NBA final，果時係我第1次接觸NBA，第1次支持既球隊......湖人，支持到依家！呢支傳統勁旅，出過唔少勁人，原因點解？真係無得講，紫金球衣豪華瓜。今年既湖人唔駛講咁多，上年既陣容都可以打到去西岸冠軍，今年陣容完整咁多，實力勁得黎又穩定，由季初強到去final，又一支勁隊。

                    未final之前，對2隊波既好感係一半一半，但經過final one之後，即刻變到7比3=.=.......l，我對魔術幾失望，完全俾湖人壓落去，超人howard既能力，俾一個賈蘇玩謝左，另外，唔好話3分雨，連普通既2分都唔多掂，最Q憎個街波王，完全on9，唉，對騎士都可以贏到，點解面對湖人，會輸1:4！！！不過湖人既表現真係抵讚，尤其今日果場比賽，3分波，以其人之道還其人之身，kobe又外星人上身，頂，真係好難輸！

                     不過kobe拎MVP，真係幾開心，自從巨無霸離開湖人之後，佢苦苦支撐，雖然係佢逼走巨無霸，佢既球品都唔係幾好，不過唔緊要，由我一接觸NBA果刻黎講，佢係我眼中，一直都係最強！

                     另外一提，=.=.....唉，車站班安全大使，=.=.......走了...............心灰=.=..................................................................................................................................................................................講笑姐